Выбух гарызантальных сувязяў – гэта тое, чым, на думку многіх, адрознівалася Беларуская рэвалюцыя 2020 года. Беларусы валанцёрылі, уключаліся ў актывізм, стваралі і развівалі дваровыя і карпаратыўныя чаты, дапамагалі адзін аднаму з дапамогай агульнанацыянальных платформ і ініцыятыў.
Ціск на актывістаў і супольнасці, пачаліся яшчэ ў 2020 г. А ў 2021 г. улада ўзяла курс на прамое іх знішчэнне – пачаліся прамыя рэпрэсіі супраць актывістаў, сеткавую самаарганізацыю прыраўнялі да экстрэмізму і тэрарызму, а інстытуцыйныя памочнікі (незалежныя медыя і актыўныя НДА) ліквідаваны і/або выцесненыя за мяжу.
Вайна ва Украіне ўнесла свае карэктывы ў сітуацыю, якая склалася. Як у гэтых умовах ідуць справы з гарызантальнымі сувязямі беларускага грамадства? Што адчуваюць суполкі, якія нарадзіліся на хвалі 2020 года?
На гэтыя і іншыя пытанні адказалі рэспандэнты анлайн апытання, у якім прынялі ўдзел 1505 чалавек. Апытанне праводзілася з 28 красавіка па 12 траўня 2022 года. Большасць рэспандэнтаў з’яўляюцца прыхільнікамі пратэсту, 49,6% апытаных пражываюць у Мінску, 9,2% рэспандэнтаў пражываюць па-за Беларуссю.