Ідэнтычнасць – гэта шматузроўневы і складаны феномен, які рэдка ўзгадваецца ў спакойным паўсядзённым жыцці. Але як жыццё ў Беларусі пасля 2020-га года складана назваць спакойным, так і пытанне беларускай ідэнтычнасці цяпер перажывае ці не самы актыўны этап свайго абмеркавання.
З гэтай нагоды мы правялі даследаванне асаблівасцяў таго, як прадстаўнікі дэмакратычнай часткі беларускага грамадства ўсведамляюць нацыянальную тоеснасць. Даследаванне праводзілася ў траўні-чэрвені 2023-га года шляхам інтэрнэт-апытання. У ім паўдзельнічалі 4000 чалавек, з якіх 2127 – гэта тыя, хто цяпер знаходзіцца ў Беларусі.