Народнае апытанне працягвае вывучаць меркаванне беларусаў, якія падтрымліваюць пратэст. На гэты раз мы даведаліся пра стаўленне пратэстнай аўдыторыі і гатоўнасць удзельнічаць у наступных ініцыятывах дэмакратычных сіл:
- Стратэгія дзеянняў на «Рэферэндуме»
- Рабочы Рух
- Мабілізацыйны план «Перамога»
- Рух «Супраціў»
Ніжэй за вынікі апытання за снежань 2021 года.
Якія ініцыятывы самыя вядомыя
Пераважная большасць рэспандэнтаў (90% і больш) чулі пра Стратэгію дзеянняў на “Рэферэндуме”, план “Перамога” і ініцыятыву “Рабочы рух”. Аднак дэталі ініцыятывы “Рабочы рух” могуць расказаць толькі 24% рэспандэнтаў. Аб руху “Супраціў” ведаюць толькі 67% удзельнікаў апытання, хаця гэта значна больш, чым было ў жніўні 2021 года.
Давер да аўтараў ініцыятыў
Давер рэспандэнтаў да аўтараў ініцыятыў дастаткова высокі (73% і больш – сярод тых, хто нешта чуў пра ініцыятыву). Больш за ўсё давяраюць Стратэгіі дзеянняў на “Рэферэндуме” (42% цалкам давяраюць аўтарам).
Гатоўнасць удзельнічаць
Больш за ўсё ініцыятывы адрозніваюцца па гатоўнасці рэспандэнтаў удзельнічаць у іх. Прытрымлівацца Стратэгіі дзеянняў на “Рэферэндуме” плануе 73% рэспандэнтаў, 46% гатовы ўдзельнічаць у плане “Перамога”, 37% плануюць далучыцца да руху “Супраціў”, 17% прайшлі або плануюць прайсці рэгістрацыю ў чат-боте руху “Рабочы Рух” усіх выпадках указана доля рэспандэнтаў з ліку тых, хто нешта чуў аб ініцыятыве).
Для руху “Рабочы рух” застаецца актуальнай праблема пазіцыянавання. Толькі чвэрць (25 працэнтаў) лічаць сябе мэтавай аўдыторыяй ініцыятывы.